Zwischen Martini und Kathrein

Zwischen Martini und Kathrein

jo wos sull dou scha sein ?

za Martini deafst nit vagessn

an Ganslbroutn zan essn

und za Kathrein

spiat ma bekanntli di Musi ein

Freili, sou woas in da frira Zeit

owa, wia is dös gaunzi heint ?

Jo, du houst as scha darroutn

as gounzi Joahr gibts an Ganslbrountn

und Schluss mit da Musi za Kathrein

dös muis grodweg a Zuifoll sein

Jo, sou gsegn, is kuan Wunda nit

trogtst bold etli Kilo zvü mit

und va vüzuvül Muis hearn

tuist sogao terrisch wearn.

Najo, jeda is seines Glickes Schmid

owa, mochst du nit ba olli Spetakln mit

tuist nua uan,-zwomal a Gansl essn

kannst beruhigt du dein Bauch o messn

und tuist schön klui za da Krawallmusi gehn

wiasd a jeds Redn bis ins hohe Olta va steahn.

Zwischen Martini und Kathrein
Gedicht in Mundart von Alfred Strobl


www.EnergiedorfOllersdorf.at