Winta iss !


Jo da Winta, woahli ba meina Sööl
Ouft kimbst du als gaunz rauha Gsöll
Zsamm mit Köldn und Schnee vaeint
Als deini bestn zwoa Freind.


Deckst zui as Groos mit weissa Procht
Und losst di aunwaahn iwa d'Nocht
Di Natua leg si zan Rost'n nieda
Und im Fruijoa erwochts daunn wieda.


Vüll Vichaln leidn hiaz grosse Not
Miassn kämpf'n ams täglichi Brod
Am bestn hobns dei jenign trouffn
Dei an gaunzn Winta driwa schlouffn.


Fia insa uans is a woami Oufnbaunk hiaz vüll weat
Waunn ma va nobizd und wid dabei nit gsteat
Sölig tramst, du waast im Himml oubn
Tuist mit d' Engal insan Heagott loubn.


Dann kimb da Petrus, stöbat di auf
Trotzdem nimbt dö Gschicht an guidn Valauf
Und du seglst leisi, damit di niamb heat
Mit d'Schneeflockaln zruck owi af d'Ead.


Alfred Strobl, 10.1.2006